Ibisakuzo nyarwanda - Igice cya 7

SAKWE SAKWE!

1. Hagarara hakuno mpagarare hakurya duterane ibidashyika = Ibipfunsi
2. Hagarara mu itahe nanjye mpagarare mu itongo = Intashya
3. Hagarara mu mpinga uhamagare wa mugabo w’urugangazi uti : Minyaruko ya Nyamikenke aragusize = Amata n’umutsima,
4.  Hagarara mu mpinga uhamagare wa mugabo w’urugangazi uti : Minyaruko ya Nyamikenke aragusize = Inyama n’umutsima
5. Hagarara mu mpinga uhagaritswe n’umugabo utakuruta = Imbaragasa
6. Hagati ya Gacu na Mpanga hazi bake = Uruheri mu gihata
7. Hakurya biraheneranye = Ibihaza
8. Hakurya hena, hakuno hena = Abagore babagara
9. Hakurya mu gihuku = Ikizu kitarimo abantu
10. Hakurya ngo dondi no hakuno ngo dondi = Abakomyi b’insyo
11. Hakurya no hakuno ngo barubaru = Urubura mu masaka
12. Hapfuye Senkopfu hasigara Semfunda = Umugondoro w’igishyimbo
13. Haruguru ziraterana ay’imbogo = Amahururu y’ababi
14. Hepfo aha hanyuze impehe = Inzuki zitagira urwiru,
15. Hepfo aha hanyuze impehe = Ingabo zitagira umutware,
16. Hepfo aha hanyuze impehe = Inka zidafite imfizi, 
17. Hepfo aha hanyuze impehe = Abagore batagira abagabo, 
18. Hepfo aha hanyuze impehe = Abagore batagira ingori
19. Hepfo aha rurakubana = Umusaza cyangwa umukecuru n’agashyitsi
20. Hepfo isanane haruguru isanane = Amano y’inanga
21. Hepfo macibiri haruguru macibiri = Amabondo y’ihene
22. Hepfo nyagakambwe na nyagakecuru barapfumbatanye = Igishyitsi cy’umusave n’umubirizi
23. Hepfo rurakururana = Impatwe z’umusaza
24. Hepfo zirabyina urungora = Urugoyi rw’ibishyimbo
25. Hi hi hi = Igikecuru cyisutseho igisururu
26. Hirika i Kanombe = Ibitoki mu rwina (mu ntabo)
27. Hirya hariya hari imizo n’iminzenzi = Isogo n’inyabutongo
28. Hirya karahiye no hino karahiye hasigaye rukumbi rwa Sasa = Inzira
29. Hirya nakubira no hino nakubira = Amabondo y’ihene
30. Hirya y’ishyamba hari agashahura abagabo = Umusoro
31. Hirya umuhanda no hino umuhanda = Ururimi hagati y’amenyo
32. Hita i Nyarubuye mpite mu Mbiyo tuzahurire I Nyanza = Urubariro.