Ibisakuzo nyarwanda - Igice cya 8

SAKWE SAKWE!

1. Ibikaci bikaciraniye muri Nyagafunzo, ibisiga bizapfana umukumo = Amabere y’inkumi
2. Ibitugu bya so birarenga urugo = Ikivumvuri
3. Ibuka hakurya = Utuzu tw’abashumba
4. I Burundi n’i Bunyabungo inama ni imwe = Inkono ku ziko
5. Icyambuka uruzi kitagira amaguru = Ijwi
6. Icyo nagutuma ntiwakizana = Inyenyeri
7. Icyo nashinga ntiwagishingura = Amabyi (umubyindi)
8. Icy’ubwoya icy’impwempwe cyagarika impanga mu mpinga ya Bwanacyambwe = Umwungu mu ncoce
9. Idodorido = Inda mu ruhara
10. Ifuni iracoca urukoro = Ikinwa cya Nyirabarazana
11. Igagarigaga = Inda mu ruhara
12. Igiharamagara kitubereye ku ruharo = Urugi
13. Igihondohondo cy’amaguru munani = Ikigega
14. Igihugu cyose iya bitatu = Amashyiga
15. Igira hakurya nanjye nigire hakuno duterane injunguto z’imiseke = Urubura
16. Igira hino ngusekere = Amashaza akaranze
17. Igira hino nshuti = Ikirago (ikiringiti)
18. Igira inyuma y’inzu bagupfunde ibirozi = Ibiboga bigaze
19. Igira inyuma y’inzu uce inkoni y’umuze n’umunzenzi = Urusogo n’urusogi
20. Igira inyuma y’inzu ukube ino = Imigondoro y’ibishyimbo
21. Igira inyuma y’inzu ukubitwe n’inkuba = Kubona aho nyokobukwe yiyuhagira
22. Igira inyuma y’urugo nkuvumburire impongo impongo itagira umurizo = Umubuyenge w’intosho
23. Igira mu mpinga wibuke uwo mwajyanye = Ubuheri mu gihata
24. I Gisaka ntibacinyira bangana amacinya = Amenyo
25. Igishorankwanzi cyamanutse gihora gikwiza ab’iwanyu bose imigoma = Ikigori
26. Igitabo cya Mutara ntawutagishengera = Ikibuguzo,
27. Igitabo cya Mutara ntawutagishengera = Igisoro
28. Igiteye imbabazi  = Ikibwana cy’imbwa
29. Igiti kiguye i Nyanza tugikwirwa amashami twese = Ijambo ry’umwami
30. Igiti kinini ruhumbanyoni = Inkono ivugirwamo umutsima
31. Ihirike naraguharuriye = Imodoka mu muhanda
32. Ijoro rirara hehe? = Mu mutima w’inkoko
33. Ikibyoya ikibyanwa mu mpinga ya Bwanacyambwe = Icyugu mu ncoce
34. Ikigira izina ntikigira ibara = Umuyaga
35. Ikiri aho ni cyo kiri i Burundi = Ipfundo ry’urudodo
36. Ikitagira amaraso = Igishorobwa
37. Ikiyongoyongo cya Nyirabayogoma kiruka ikijya epfo n’ikijya-ruguru = Umuriro mu muyaga
38. Iriboneye ntiryica = Ibere ry’inkumi
39. Iri waribonye he? = Umurara w’uburo
40. I Mabara zirarabagirana = Impururu z’umutindi
41. Imana y’ i Burundi irashoka ntikuka = Agahinda ku mutima
42. Imana y’ishyanga irabagira mu ishyamba = Ishavu
43. Imanika mahahara imanura amahano kwa mfura zitarya = Inzugi z’imigano,
44. Imanika mahahara imanura amahano kwa mfura zitarya = Umukokwe
45. Imbehe za Nyirabangana zingana zose = Isi n’ijuru
46. Imbere ndi imanzi, inyuma ndi umwanzi = Ikinyagu
47. Imbere ndi imanzi n’inyuma  ndi imanzi = Icyansi,
48. Imbere ndi imanzi n’inyuma  ndi imanzi = Akanyita k’uruhu
49. Impfumbatiza butoki ya Sebutama ironsa butatu = Umwambi mu ruge
50. Imikara y’i irabira rikarenga = Ibyiyoni
51. Imikorere ya Nyiranzana nagize ngo ibiryo bye ntibizaribwa none ndatora n’urwo hasi = Inzuki n’ubuki
52. Imisozi irahiye hasigaye rukumbi rwa Shaza = Umugina,
53. Imisozi irahiye hasigaye rukumbi rwa Shaza = Inzira
54. Imisozi irashika ibikanu = Abahizi
55. Imisozi irashya Rukaba yo ntishya = Urutare
56. Imisozi iriyorosa ubugondo = Ibihu,
57. Imisozi iriyorosa ubugondo = Inzuki
58. Imisozi iriyorosa ubugondo = Intoki
59. Imisozi yarahiye isiga inkuba n’imiheto = Igitare
60. Imivumu y’iwacu ni ruhumbanyoni = Inzara
61. Imparakajosi ya Nyamujyana, impara ironsa batanu = Umuheto n’imyambi
62. Impeta Kajiga ya Rujinja ironsa umunani = Injishi n’igisabo
63. Indigita –gitaka intahira y’urugo = Ikijumba
64. Ingabo yanjye Yuma ihagaze = Urusenge
65. Ingobyi ngari ni yo impekera abana = Ubwato
66. Ingarukira y’umuvumu yameze mu kivure = Urusogo mu mukokwe
67. Inka yanjye ishiturwa n’abagenzi = Icyiyoni
68. Inka yanjye irishiriza ku nkombe ntitembe = Akanyoni karitse ku nzira
69. Inka yanjye irishiriza mu mishito igataha mu mishito = Ururimi
70. Inka yanjye ndayibaga igakwiza abagore banjye bose inkanda = Ikigorigori
71. Inka yanjye yahindutse urwirungu = Igiko gihiriye mu ruhira
72. Inka zanjye zaragiye zigarukira mu mpinga y’abankunda = Umuyaga
73. Inka zanjye zaragiye zirarima zirarimagura = Inda mu nnyo
74. Inkongoro iratema ikijya-ruguru = Umuheha
75. Inkongoro ya Dodo inyweramo Dodo wenyine = Umwobo w’impiri
76. Inkota y’ishyari irahigira mu ishyamba yonyine = Agahinda ku mutima
77. Inkuba ebyiri zihindiye i Bwishaza = Inzuho ebyiri mu ntango
78. Inkuba ikubita ikwerekeje umugongo = Umuheto
79. Inkuba ikubita ku butaka ya rukika abayimira = Ikijumba
80. Inkuba irarenga = Isha mu ibanga
81. Inkuba-rugo = Inkangara
82. Inkuru nziza ivuye i Burayi = Inzara z’uruhinja
83. Ino karahari n’i Kongo karahari = Ifaranga
84. Inshyimbo y’iminsi yegekwa mu mfuruka = Uruhindu rw’indushyi
85. Intukutuku inyamubande = Amahundo
86. Inyabubiri inyabutatu babara ntibayishobore = Amaguru ya muhuhirizi
87. Inyabune ya butanu yagiye kwenda inani kwa mirongo inani = Imirya y’inanga
88. Inyabutatu ya butanu ku ngoyi imwe = Imyungu ku ruyuzi
89. Inyagarinyangari ban aba mama = Amazi ku rukangaga
90. Inyuma ya Gacu barahima intebu = Uruheri mu gihata
91. Inyuma ya Ndiza urwenge rurahonya = Inda mu ruhara
92. Inyuma y’inzu zirabyina inkora = Urugoyi rw’ibishyimbo
93. Inyama y’urusaku mu rugo rw’imiseke imbere i Nyamagana = Ururimi
94. Inyumba isakaje ibyuma = Ikinyogote
95. I Nyarukomba baratema = Ubuheri mu gihata
96. Inzira ijya ibunyokorome yasiba wahwera = Inzira ijya mu kigega
97. Inzira ijya i Burundi igenda amagorigondi = Imyobo y’ifuku,
98. Inzira ijya i Burundi igenda amagorigondi = Urwanwa rw’umuhoro
99. Inzovu rubunga itaha mu mwobo = Ikidasesa
100. Inzu yanjye nayisakariye ku nkingi imwe = Icyobo
101. Inzu yanjye ntigira umuryango = Igi ry’inkoko
102. Inzu yanjye yuzuzwa n’urubariro rumwe = Icyibo
103. Ipikipiki mu gupiga nyoko wangana iki? = Inda mu ruhara
104. Irengerenge = Inzogera
105. Ishenyi isenya urw’undi ihora mu rwugururiro = Umusambane
106. Isuka irokoye niyo ihinga neza = Ikinwa cya Nyirabarazana
107. Ishyamba ritanze umwezi = Ibarizo ry’ingoma
108. Iteze neza ntiyica = Ibere ry’inkumi
109. Iwacu duteze ingori twese = Umugengararo w’amasaka
110. Iwacu twikwije impindu twese = Imirizo y’imbeba
111. Iwacu twicaye twese = Intebe
112. Iy’uruvurivundi, iy’uruvurivuri iyo bakubita ivu rigatuma = Ikinyugunyugu
113. Izo ntoki zinsaba ugira ngo ndaziha = Imyenge y’inzu