Ibisakuzo nyarwanda - Igice cya 1

 SAKWE SAKWE!

Abagwabiro bashinze inteko = Umucaca

Abakobwa banjye babyina bose = Imirya y’inanga

Abakobwa ba Ruhinda baturutse ikuzimu bambaye inyonga = Insina

Abakobwa beza baranaga amajosi = Urugoyi rw’ibishyimbo

Abambari ba Ruhinda bambariye inzogera ikuzimu = Imigozi y’ibijumba

Abambari ba Ruhinda bambariye inzogera ikuzimu = Inkwana z’amateke

Abambarantama ba Ntaragonda batwara amacumu bayacuritse = Imirizo y’inka

Abana b’abarundi barasana bakiri bato = Ifurwe

Abana ba mukeba bambaye imigoma bose = Ibigori

Abana banjye bangana bose = Ifundi

Abana banjye bavuyemo umwe ntiwabimenya = Akatsi ko ku nzu

Abana banjye bikwije impindu bose = Imirizo y’imbeba

Abana b’iwacu bicaye ku ntebe imwe = Intoki

Abana b’umwami baratanguranwa mu ngoma = Inshunzi mu cyansi

Abana b’umwami bicaye ku ntebe imwe = Inkwana z’amateke

Abarezi babiri bahuriye mu iriba = Inshunzi z’amata mu cyansi

Abasore b’i Gisaka barasana bakiri bato = Igisura

Abatutsi barebare baturutse i Ruganda = Imvura

Abazungu b’i Bujumbura baca urubanza bunamye = Imigondoro y’ibishyimbo

Abeza bararamukanya = Ikinyamushongo

Agacwende kanjye kabaye kure mba ngukoreyemo = Ukwezi

Agakecuru Nyarudindiri kamanutse i Gacu na Mpanga kikoreye imigoma itanu = Umusambi

Agakoni kanjye ka rutigatiga nashaka nagatura umwami = Ingabo y’ubuki

Agakono k’iwacu ni imbungira-mihigo = Agakono k’amanywa

Agatiritiri kaje kaduruza, kaje kazatina umugabo = Umusoro

Aha hari agati kadacanwa = Isekuru

Aha hari agati kadacanwa = Intebe

Aha hari agati kadacanwa = Igisabo

Aha hari agati kadacanwa = Imbehe

Aha hari agati kadacanwa = Umwashi

Aha hari agati kadacanwa = Umuvure

Aha hari ubugenge bwatuma, wasera mu ruzi akanzura? –Wacana mu ruzi umuriro ukaka? Watambana ingabo mu rutara? = Radiyo

Aho Mutara na Mutaga barasaniye haracyari ibishishibano = Inkwana z’amateke

Aho ndi aha ndareba mu mahaha ya Nkoronko = Ikigega kirimo ubusa

Aho Rugondo yabagiwe ntihateze kuzashira ibinure = Inkwana z’amateke

Aho umugabo ahinze ntasarura = Imbaragasa

Aho wabereye iri wararibonye? = Ubukumi bwa so na nyoko

Aho wabereye wari waterera Muhangiro? = Ikirunga

Aho wabereye wataramye ku Karubanda? = Uburiri bw’umwami

Akababaje umugabo kamurenza impinga = Ifaranga

Akabingo nyamwishyigure = Ishyari ntiriba rito

Akaguru k’umuringa akaboko k’umuringa byaterana byabyara umuyumbu = Igihondohondo

Akangaratete ka terera tugende dore umunsi uragiye = Igare

Akatagira inka ntikagire umugeni kagura iki ? = Agahanga k’ihene

Ak’imitana ak’imitari kararenze mu mpinga = Akanyugunyugu

Aka kagabo ni gato kakwirukana so = Ivubi

Aka kagabo ni gato kakwirukana so = Uruyuki

Aka kayira kasiba twashira twese = Inzira ijya mu kigega

Aka kagabo kakwica so = Agahwa mu rwondo

Aka kariza so = Akanyarirajisho

Akari inyuma ya Ndiza urakazi? = Inyana iri mu nda ya nyina

Akamarimari ka Mparabanyi kaje kamara abagabo gaturutse inyuma y’ijuru = Ifaranga

Aka Matana aka Matananya karabwiriza inka mu gikombe = Akanyugunyugu

Akarago kanjye kazinze neza = Umwumba w’urukoma

Akavumu k’iwacu ni imbungira-mihigo = Akayonga k’amanywa

Akavumu k’iwacu ni imbimburamahina = Akabehe karagurirwaho

Akavumu k’iwacu ni imbimburamahina = Umusore ubungira inkumi

Akayuriyuri ka ntibazirikana inshuti y’urupfu = Ibitotsi

Akebo ka Dede kariramo Dede wenyine = Umwobo w’inzoka

Akigize umugozi kakigira umuganda kagashyira umwami mu murwa = Umuhotora

Akigize umugozi kakigira umuganda kagashyira umwami mu murwa = Umuhoro

Ako nateye i Mwonga ntikaravayo = Akajyo batereye munsi y’urugo

Amabuye ya Nyarubuyenge wayabara ntiwayashobora = Ukwezi n’inyenyeri

Amasaka y’i Murera atukura atarera = Ubuguru bw’inyamanza

Amenyo abiri = Ibikingi by’amarembo

Ayiii = Umukobwa ureba iwabo hashya

Ayiii = Umukobwa ureba agacumu kishe musaza we

Ayiii = Umukecuru wabuze ikijigo cye

Ayiii = Igikecuru kimennyeho igisururu

Ayo macumu yose araterwa ingabo za Rujende = Ifundi